Sýningin Ljáðu mér vængi. Ævi og áhrif Vigdísar Finnbogadóttur.
Sýningin „Ljáðu mér vængi. Ævi og áhrif Vigdísar Finnbogadóttur“ opnaði í Loftskeytastöðinni við Suðurgötu 15. mars 2024. Opið hús var á sýninguna helgina 16.-17. mars 2024 frá kl. 12-16.
Á sýningunni er leitað svara við því hvað varð til þess að Vigdís Finnbogadóttir varð fyrsta konan í heiminum til að verða kjörin þjóðhöfðingi í lýðræðislegum kosningum. Þá er varpað ljósi á áhrif hennar á mannréttindi, náttúruvernd, jafnréttismál og vöxt og viðgang tungumála, bæði í íslensku og alþjóðlegu samhengi.
Á sýningunni má meðal annars sjá listmuni, fatnað, bréf, skjöl og ljósmyndir sem eru hluti af gjöf Vigdísar Finnbogadóttur til stofnunarinnar sem við hana er kennd og starfrækt er við Háskóla Íslands. Sýningin veitir innsýn í ævi og störf Vigdísar á lifandi og skapandi hátt.