Guðbjartur Hannesson velferðarráðherra ávarpaði vorráðstefnu Greiningar- og ráðgjafarstöðvar ríkisins sem haldin var í 27. sinn dagana 11.-12. maí 2012.

Ávarp Katrínar Jakobsdóttur við úthlutun verkefnastyrkja Menningarráðs Suðurlands 6. maí 2012 á Selfossi.

Oddný G. Harðardóttir, fjármálaráðherra, og Steingrímur J. Sigfússon, efnahags - og viðskiptaráðherra, birtu sameiginlega blaðagrein í Fréttablaðinu í dag. Grein þeirra fjallar um útgreiðslu 2,6 mia. kr í sérstakar vaxtaniðurgreiðslur nú 1.maí sem er hrein viðbót við hefðbundnar vaxtabætur sem ríkissjóður greiðir. Þau benda á að með hækkun vaxtabóta um á þriðja milljarð króna á fyrrihluta árs 2009 sem hefur haldist síðan, hafi ríkið varið um 18 milljörðum króna í vaxtabætur og í sérstaka vaxtaniðurgreiðslu á hverju ári árin 2011 og 2012. Það sé nálægt þriðjungur af öllum vaxtakostnaði heimilanna. Greinina má lesa hér í heild sinni.

Guðbjartur Hannesson ávarpaði aðalfund Hollvinasamtaka Grensáss sem haldinn var í gær, 9. maí 2011. Ráðherra þakkaði samtökunum öflugan stuðning við endurhæfingarstarfið á Grensásdeildinni sem fælist jafnt í fjáröflunarstarfi og því að vekja athygli á mikilvægi starfseminnar á opinberum vettvangi.

Grein Guðbjarts Hannessonar velferðarráðherra um skýrslu Þjóðmálastofnunar Háskóla Íslands sem unnin var fyrir velferðarráðuneytið um áhrif fjármálahrunsins á lífskjör þjóðarinnar, umfang kreppunnar og afkomu ólíkra tekjuhópa. Greinin birtist í Fréttablaðinu 5. maí 2012.

Guðbjartur Hannesson velferðarráðherra ávarpaði námstefnuna „Foreldrar í vanda, börn í vanda; heilbrigð frumtengsl forsenda lífshæfni“ sem haldin var 2.-3. maí 2012. Að námstefnunni stóðu Þerapeia ehf. Miðstöð foreldra og barna og Barnaverndarstofa.

Grein eftir Katrínu Jakobsdóttur um frumvarp til laga um Ríkisútvarpið.

"Einhver mesti og besti ávöxtur verkalýðsbaráttunnar frá upphafi er almannatryggingarkerfi fyrir þjóðina alla og velferðarstjórn-mál. Í þessu tvennu birtist vel hugmyndin um jöfnuð; jöfn tækifæri til menntunar og þroska óháð samfélagsstöðu, kyni eða tekjum," segir í upphafi greinar Jóhönnu Sigurðardóttur, forsætisráðherra, í Fréttablaðinu 1. maí sl.

Guðbjartur Hannesson velferðarráðherra ávarpaði í morgun 12. Evrópuráðstefnu klúbbhúsa sem nú stendur yfir í Reykjavík. Ráðherra sagði meðal annars að hugmyndafræðin sem liggur að baki hefði komið með ferskan andblæ inn í umræður á Íslandi um geðheilbrigðismál með stofnun klúbbsins Geysis árið 1997.

Oddný G. Harðardóttir, birti nýlega grein í Fréttablaðinu. Í greininni fjallar fjármálaráðherra um hugmyndir um gjald á auðlindarentu, svarar gagnrýnisröddum þar um og segir m.a. frá vinnu við stofnun auðlindareiknings í eigu ríkissjóðs. Greinina má lesa í heild sinni hér.

Össur Skarphéðinsson, utanríkisráðherra, lagði í dag fram árlega skýrslu sína um utanríkis- og alþjóðamál til Alþingis. Þar má finna yfirlit um helstu verkefni utanríkisþjónustunnar á liðnu ári. Framsögu ráðherra má sjá hér.

Grein birt á Visir.is þann 17. apríl 2012

Ávarp Katrínar Jakobsdóttur, mennta- og menningarmálaráðherra á vorfundi Þjóðminjasafns Íslands, 13. apríl 2012, með fulltrúum byggða- og minjasafna af öllu landinu.

Guðbjartur Hannesson velferðarráðherra ávarpaði ársfund VIRK-Starfsendurhæfingarsjóðs sem haldinn var á Grand Hótel í Reykjavík 12. apríl 2012.

Grein eftir iðnaðarráðherra Oddnýju G Harðardóttur sem birtist í Fréttablaðinu 12. apríl 2012.

Norrænu umhverfisráðherrarnir skrifuðu eftirfarandi grein í kjölfar fundar þeirra á Svalbarða í lok mars 2012. Greinin fjallar um bráðnun íssins á Norðurskautinu og aðgerðir til að sporna við henni og birtist í Fréttablaðinu 4. apríl 2012.

Grein fjármálaráðherra með yfirskriftinni " Við eigum brekku eftir" birtist í Fréttablaðinu þann 10.apríl. Í greininni ritar ráðherra um stöðuna í ríkisfjármálum og um nauðsyn þess að halda áfram vel um stjórntaumana svo áætlanir um afgang í ríkissjóði árið 2014 gangi eftir.

Svandís Svavarsdóttir umhverfisráðherra flutti eftirfarandi ávarp við upphaf ársfundar Landvarðafélagsins sem haldinn var 10. apríl 2012.

Þann 7. apríl ár hvert heldur Alþjóðaheilbrigðismálastofnunin (WHO) stofndag sinn hátíðlegan með því að vekja athygli á tilteknu mikilvægu heilbrigðismáli. Að þessu sinni hvetur stofnunin til þess að allir hugi að eigin heilsu undir kjörorðinu – Góð heilsa bætir lífi við árin.

Guðbjartur Hannesson velferðarráðherra flutti ávarp á málþingi Sjónarhóls um börn og ungmenni með hegðunar- og geðraskanir sem Sjónarhóll efndi til í dag.

Anna Lilja Gunnarsdóttir ráðuneytisstjóri í velferðarráðuneytinu flutti ávarp fyrir hönd velferðarráðherra á málþingi Barnaheilla um tannheilbrigði barna 28. mars 2012.

Guðbjartur Hannesson velferðarráðherra skrifaði um vinnumarkaðsúrræði og helstu átaksverkefni sem ráðist hefur verið í til að sporna við atvinnuleysi og alvarlegum afleiðingum þess í grein sem birtist í helgarblaði Fréttablaðsins.