Efnahagsmál

Meginverkefni efnahagsmála eru að ná aftur jafnvægi í rekstri ríkissjóðs, endurreisa fjármálakerfið, ná þjóðarsátt um lykilmarkmið og viðamiklar efnahagsráðstafanir og sátt við nágrannalönd eftir hrun íslenska fjármálakerfisins. Þessi verkefni þarf að vinna til að koma efnahags- og atvinnulífi hið fyrsta upp úr núverandi öldudal, skapa þjóðhagslegan stöðugleika að nýju og endurheimta traust á landið í alþjóðasamfélaginu.

• Setja þarf reglur sem takmarka útlán banka á uppgangstímum og skylda þá til að leggja fyrir þegar vel gengur.   
  

  AFGREITT

• Herða þarf reglur um miklar lánveitingar til eins og sama aðila og um lán til tengdra aðila.      
  

  AFGREITT

• Setja þarf afgerandi skorður við því að hér geti aftur þróast kaupaukakerfi í fjármálastofnunum sem leiðir til mikillar áhættusækni. 
  

  AFGREITT

• Rýmka þarf heimildir FME og annarra eftirlitsstofnana til að skýra opinberlega frá athugasemdum sínum.      
  

  AFGREITT

• Vinna markvisst að því að draga úr höftum á gjaldeyrisviðskiptum.    (Viðvarandi verkefni)  
  

  AFGREITT AÐ HLUTA

• Herða þarf fjármálaeftirlit, gefa því auknar heimildir til að fylgja eftir athugunum sínum og ábendingum. (Viðvarandi verkefni)
  

  AFGREITT AÐ MESTU

• Koma að eðlilegum lánaviðskiptum við erlenda banka.  (Viðvarandi verkefni)
  

  AFGREITT AÐ HLUTA

• Örva þarf innlendar fjárfestingar í atvinnulífinu.  (Viðvarandi verkefni)
  

  AFGREITT AÐ HLUTA

• Stuðla að beinum erlendum fjárfestingum.  (Viðvarandi verkefni)
  

  AFGREITT AÐ HLUTA

• Mikilvægt að ljúka sem allra fyrst samningum vegna innstæðutrygginga við nágrannaríki.
  

  AFGREITT

• Mikilvægt að ljúka uppgjöri á milli gömlu og nýju bankanna.
  

  AFGREITT

• Trúverðug efnahagsáætlun og stefnumörkun í ríkisfjármálum til fjögurra ára sem miðar að hallalausum ríkisfjárlögum á ásættanlegum tíma - jafnvægi náist í ríkisfjármálin eigi síðar en 2013.     
  

  AFGREITT

• Markmið í ríkisfjármálum í samræmi við sameiginlega áætlun stjórnvalda og AGS.       
  

  AFGREITT

• Marka þarf skýra eigendastefnu þar sem fram komi framtíðaráherslur ríkisins sem eiganda bankanna og hvernig henni verði framfylgt.Meðal annars verði kveðið á um hvernig eignarhaldi bankanna verður hagað, hugsanlegri eignaraðild erlendra kröfuhafa og sýn á dreift eignarhald á bönkunum til framtíðar. Þá yrði kveðið á um auglýsingar á stöðum bankastjóra og faglega yfirstjórn þeirra.        
  

  AFGREITT

• Þá þarf að gæta þess að yfirtaka ríkisbanka á einstökum fyrirtækjum skekki ekki samkeppnisstöðu á markaði. Tryggt verður að unnið verði eftir faglegu og gagnsæju ferli við sölu þeirra.  (Viðvarandi verkefni)
  

  AFGREITT AÐ MESTU

• Peningastefnunefnd Seðlabankans verður falið að fara yfir kosti og galla þess að breyta peningastefnunni, meta kosti þjóðarinnar í gjaldmiðilsmálum og gera tillögu til stjórnvalda með hliðsjón af því mati.
  

  AFGREITT

• Óskað verður eftir mati Seðlabankans á því hvernig best verði dregið úr vægi verðtryggingar í íslensku efnahagslífi.       
  

  AFGREITT

• Forsætisráðherra mun láta vinna yfirlit um stöðu og þróun á lykilstærðum í samfélags- og efnhagsmálum til að skilgreina nánar þann vanda sem við er að glíma og framtíðarvalkosti, s.s. í ríkisfjármálum, gjaldmiðilsmálum, atvinnulífi, húsnæðismálum, jafnrétti.
  

  AFGREITT

• Samstarf við aðila vinnumarkaðarins um nýjan stöðugleikasáttmála. Ríkisstjórnin lítur á það sem forgangsmál við stjórn efnahagsmála að ná breiðri samstöðu um markvissa áætlun í efnahags-, kjara- og félagsmálum á þeim grunni sem þegar hefur verði lagður í sameiginlegri vinnu ofangreindra aðila.    FOR         

  AFGREITT

• Skapa þarf forsendur fyrir áframhaldandi og hraðri lækkun vaxta.
  

  AFGREITT

• Til að tryggja markvissa framkvæmd efnahagsaðgerða stjórnvalda og endurnýja traust á fjármálakerfi landsins mun ríkisstjórnin ráðast í skipulagsbreytingar í stjórnkerfinu, m.a. með stofnun sérstaks efnhags- og viðskiptaráðuneytis.   (Viðvarandi verkefni)
  

  AFGREITT AÐ MESTU

• Verja velferðakerfið eins og kostur er.  (Viðvarandi verkefni)
  

  AFGREITT AÐ MESTU

• Auka traust og trú á íslenskt efnahagslíf.  (Viðvarandi verkefni)
  

  AFGREITT AÐ MESTU

• Hagstæð rekstrarskilyrði fyrir fyrirtæki þannig að störf verði varin og aðstæður skapaðar fyrir fjölgun þeirra á ný.    (Viðvarandi verkefni)
  

  AFGREITT AÐ MESTU

• Ríkisstjórnin mun gera það sem í hennar valdi stendur til að tryggja öfluga og skilvirka efnahagsbrotarannsókn og að bæði henni og niðurstöðum rannsóknarnefndar Alþingis um bankahrunið verði fylgt eftir af fullum heilindum.     
  

  AFGREITT AÐ MESTU