Stjórnarráð Íslands - ráðuneytin

Ráðuneyti Stjórnarráðsins starfa samkvæmt lögum um Stjórnarráð Íslands 2011 nr. 115 og samkvæmt forsetaúrskurði um skiptingu stjórnarmálefna milli ráðuneyta í Stjórnarráði Íslands frá 28. september 2011. Ráðuneytin eru tíu samkvæmt forsetaúrskurði frá 28. september 2011, það eru:

• Forsætisráðuneytið
• Efnahags- og viðskiptaráðuneytið
• Fjármálaráðuneytið
• Iðnaðarráðuneytið
• Innanríkisráðuneytið
• Mennta- og menningarmálaráðuneytið
• Sjávarútvegs- og landbúnaðarráðuneytið
• Umhverfisráðuneytið
• Utanríkisráðuneytið
• Velferðarráðuneytið

Á vefjum ráðuneytanna eru upplýsingar um þau og verkefni þeirra

Vefir ráðuneytanna eru allir byggðir upp með svipuðum hætti. Fyrir utan forsíðuna skiptast vefirnir í fimm yfirflokka.

• Ráðuneytið: Upplýsingar um starfssvið og skipulag ráðuneytis, afgreiðslu , nöfn og netföng starfsfólks, stofnanir, fjármál, laus störf og fleira.
• Ráðherra: Upplýsingar um ráðherra, ræður og greinar ráðherra og um fyrri ráðherra.
• Verkefni: Upplýsingar um helstu málaflokka sem eru á starfssviði ráðuneytis og efni tengt þeim, yfirlit yfir nefndir og stofnanir sem heyra undir ráðuneyti, um alþjóðlegt samstarf og fleira.
• Útgáfa: Fréttasafn, skýrslur, auglýsingar, greinargerðir, vefrit  og fleira.
• Lög og reglugerðir: Lög og reglugerðir sem falla undir viðkomandi ráðuneyti.
  

Ráðuneytin halda einnig úti vefjum um einstök verkefni, í tengslum við nefndir, vegna átaksverkefna og annars sem fellur undir verksvið Stjórnarráðsins.