Nú í vikunni hittast forsætisráðherrar níu ríkja norðanverðrar Evrópu á leiðtogafundi í Stokkhólmi. Þeir ætla að miðla af reynslu viðkomandi landa og ræða hvernig vinna megi að varanlegum hagvexti samhliða bráðaaðgerðum gegn fjármálakreppunni sem einkennt hafa Evrópu undanfarin ár.

Samningar gerðir við nokkrar helstu menningarstofnanir.

Alþjóðlegi netöryggisdagurinn verður haldinn hátíðlegur á morgun, 7. febrúar næstkomandi. Þemað í ár er „Tengjum kynslóðir”. Áhersla verður lögð á að kynslóðir miðli af þekkingu sinni og reynslu milli kynslóða, en þannig má stuðla að jákvæðri og öruggri notkun Netsins. Málþing í tilefni dagsins hefst klukkan 13 með ávarpi Ögmundar Jónassonar innanríkisráðherra.

Skráningu lýkur um miðja viku á málþingið um eflingu sveitarstjórnarstigsins sem innanríkisráðuneytið og Háskólinn á Akureyri standa fyrir á Akureyri næstkomandi föstudag, 10. febrúar. Þátttakendur eru beðnir að skrá sig á netfangið arny.g.olafsdottir@irr.is.

Katrín Jakobsdóttir ávarpaði fulltrúa á ráðstefnu Iðnmenntar, sem haldið var 3. febrúar sl. undir fyrirsögninni „Starfsmenntun, skóli – atvinnulíf. Gildi starfsmenntunar í íslensku samfélagi“.

Starfshópur sem innanríkisráðherra skipaði síðastliðið haust til að meta gildi fjármálareglna fyrir sveitarfélög sem lögfestar eru í nýjum sveitarstjórnarlögum hefur skilað skýrslu sinni. Telur hópurinn að fjármálareglurnar geri nýjar og ákveðnar kröfur til sveitarstjórna um fjármálastjórn.

Prófnefnd samkvæmt reglugerð nr. 1095/2007 um próf til að öðlast réttindi til að vera héraðsdómslögmaður, sbr. lög nr. 77/1998 um lögmenn og lög nr. 93/2004, hefur ákveðið að halda námskeið vorið 2012. Prófraunin skiptist í tvo hluta, auk verklegrar prófraunar.

Bæjarstjórn Ölfuss hefur auglýst tillögu að endurskoðun aðalskipulags Sveitarfélagsins Ölfuss. Samhliða því auglýsir sveitarfélagið deiliskipulagstillögu.

6. febrúar  er dagur leikskólans haldinn hátíðlegur í leikskólum landsins.  6 febrúar er merkisdagur í íslenskri leikskólasögu því þann dag árið 1950 stofnuðu frumkvöðlar leikskólakennara fyrstu samtök sín. 

Tillögur til þingsályktunar um fjögurra og tólf ára fjarskiptaáætlanir voru til umræðu á Alþingi í dag þegar innanríkisráðherra mælti fyrir þeim en umræðum var frestað og síðari mál tekin af dagskrá. Þá lauk umræðu í gær um samgönguáætlanir og ganga þær nú til meðferðar umhverfis- og samgöngunefndar.

Samband sveitarfélaga á Suðurnesjum (SSS) og Vegagerðin undirrituðu í dag samning um skipulagningu almenningssamgangna milli Suðurnesja og höfuðborgarsvæðisins. Er verkefnið í samræmi við þá áherslu ríkisstjórnarinnar að greiða fyrir auknum hlut almenningssamgangna.

Ríkisstjórn Samfylkingar og Vinstrihreyfingarinnar – græns framboðs tók við völdum 1. febrúar 2009 í kjölfar stjórnarslita Sjálfstæðisflokks og Samfylkingar. Hún hefur því verið við völd í landinu samfellt í þrjú ár.

Mennta- og menningarmálaráðuneyti og Háskólinn á Bifröst hafa gert þjónustusamning um kennslu og rannsóknir við skólann til næstu fimm ára.

Alþjóðlegi netöryggisdagurinn verður haldinn hátíðlegur í níunda sinn þann 7. febrúar næstkomandi.

Dagur kvenfélagskonunnar er í dag, 1. febrúar. Forystukonur Kvenfélagasambandsins nýttu daginn til að færa Oddnýju G. Harðardóttur hamingjuóskir með að vera fyrsta konan til að gegna stöðu fjármálaráðherra Íslands.

Fulltrúar þjóðkirkjunnar og Háskólans á Hólum kynntu ýmsa þætti kirkju-, menningar- og skólastarfs á Hólum í Hjaltadal fyrir innanríkisráðherra í heimsókn hans þangað um síðustu helgi. Var einnig rætt um ýmsar hugmyndir um framtíðarverkefni á Hólum.

Ögmundur Jónasson innanríkisráðherra átti á laugardag fund með fulltrúum byggðaráðs Sveitarfélagsins Skagafjarðar. Var þar fjallað um ýmis mál er snerta byggðarlagið, meðal annars innanlandsflug, vegamál og sameiningu sýslumanns- og lögregluembætta.

Að gefnu tilefni vegna umræðu um mat á þeim eignum (útlánum) sem nýju bankarnir tóku við í október 2008, einkum í tengslum við nýútkomna skýrslu Hagfræðistofnunar Háskólans, vill fjármálaráðuneytið koma á framfæri athugasemdum er varða samningagerð og mat eigna í tengslum við stofnsetningu nýju bankanna.

Maliina Abelsen, landstjórnarfulltrúi sem fer með ábyrgð fjármála á Grænlandi, er stödd hér á landi í vinnuheimsókn þar sem hún kynnti sér meðal annars starfssemi orkufyrirtækja. 

Forseti þjóðþings Svartfjallalands, Ranco Krivokapic, heimsótti Jóhönnu Sigurðardóttur, forsætisráðherra, á lokadegi opinberrar heimsóknar sinnar hingað til lands, 26. janúar síðastliðinn. 

Rætt var um tjáningarfrelsi og lýðræði á öðrum fundi fundaraðar innanríkisráðuneytisins um mannréttindamál sem haldinn var í dag. Flutt voru þrjú erindi og síðan urðu líflegar umræður.

Hagfræðistofnun Háskóla Íslands hefur að beiðni forsætisráðherra metið það svigrúm til niðurfærslu fasteignalána sem til varð þegar þau voru færð frá gömlu bönkunum yfir í nýju bankana.

Með vísan til reglugerðar nr. 25/2012, sem birt var í B-deild Stjórnartíðinda þann 18. janúar 2012, er hér með auglýst eftir umsóknum um tollkvóta fyrir kartöflunasl í tollskrárnúmeri 2005.2003, sem upprunnið er í Noregi og er innflutt þaðan.

Enn vekur alþjóðleg skuldabréfaútgáfa ríkissjóðs Íslands frá því í júní sl.mikla athygli. Fagtímaritið Euroweek hefur valið útgáfu Íslands meðal þeirra bestu í vali sínu á bestu skuldabréfaútgáfum ársins 2011.

Innanríkisráðherra hefur ásamt fulltrúum Vestmannaeyjabæjar, Siglingastofnunar og Vegagerðarinnar farið yfir stöðuna varðandi siglingar í Landeyjahöfn. Hefur verið fjallað um smíði nýrrar ferju, fyrirkomulag siglinga þar til ný ferja verður komin í gagnið, líklega þróun sandburðar við Landeyjahöfn og rannsóknir sem framundan eru. Við fjármögnun verður litið til verkefnisins í heild, þ.e. smíði nýrrar ferju og aðgerða til aðlögunar Landeyjahafnar að breyttum náttúrulegum aðstæðum.

Innanríkisráðherra hefur skipað sérfræðingahóp til að endurskoða skipulag og tilhögun rannsókna og saksóknar í efnahagsbrotamálum og leggja fram tillögur að hagfelldu heildarskipulagi slíkra rannsókna.

Starfshópur innanríkisráðherra um hvernig koma megi strandsiglingum á að nýju hefur skilað ráðherra tillögum sínum. Leggur hópurinn til að leitað verði tilboða í siglingarnar samkvæmt ákveðnum forsendum þar sem boðið verði í meðgjöf ríkisins til nokkurra ára meðan siglingarnar koma undir sig fótunum. Miðað er við tilraunaverkefni til nokkurra ára og að því loknu standi siglingarnar undir sér.

Ávarp Katrínar Jakobsdóttur, mennta- og menningarmálaráðherra við opnun sýningarinnar „Í afbyggingu“ 13. janúar 2012 í Listasafni Íslands.   

Félag forstöðumanna ríkisstofnana og fjármálaráðuneytið í samvinnu við Stofnun stjórnsýslufræða og stjórnmála boða til morgunverðarfundar 25. janúar nk. um bætta umgjörð fjárlagagerðar. Oddný Harðardóttir, fjármálaráðherra, mun flytja erindi ásamt fleirum.

Innanríkisráðuneytið efnir til annars fundar í fundarröð um mannréttindamál föstudaginn 27. janúar næstkomandi klukkan 8.30 til 10 í Iðnó í Reykjavík. Efni fundarins verður tjáningarfrelsi og lýðræði.

Málþing um sveitarstjórnarmál verður haldið á Akureyri föstudaginn 10. febrúar næstkomandi á vegum nefndar innanríkisráðherra um eflingu sveitarstjórnarstigsins en í henni eiga einnig sæti fulltrúar Sambands íslenskra sveitarfélaga. Þátttakendur geta skráð sig á málþingið með því að senda tölvupóst á netfangið arny.g.olafsdottir@irr.is.

Hinn dæmigerði erlendi sumarferðamaður eru tæplega fertug bandarísk hjón sem koma barnlaus í 10 daga frí, skoða Gullfoss og Geysi og kaupa vöru og þjónustu fyrir 370.000 kr. Og þau ætla að koma aftur!

Það er okkar von að ráðstefnan verði til þess að efla enn frekar umræðu um kynferðisbrot á Íslandi. Hugsanlega finnum við leiðir til að breyta og bæta meðferð þeirra í réttarkerfinu, sagði Ögmundur Jónasson innanríkisráðherra meðal annars þegar hann setti ráðstefnu um meðferð kynferðisbrota í réttarvörslukerfinu í dag. Þar var meðal annars fjallað um ýmsar hliðar á vernd barna fyrir kynferðislegri misneytingu, málsmeðferð, lagabreytingar og hlutverk ákæruvaldsins.

Upplýsingar um skilmála styrkja frá mennta- og menningarmálaráðuneytinu.

Mennta- og menningarmálaráðuneyti auglýsir laust til umsóknar starf deildarstjóra í framhaldsskóladeild á skrifstofu menntamála. Um er að ræða fullt starf.

Mennta- og menningarmálaráðuneyti auglýsir laust til umsóknar starf sérfræðings í málefnum leik- og grunnskóla á skrifstofu menntamála. Um er að ræða fullt starf.

Oddný G. Harðardóttir, fjármálaráðherra, birti grein í Fréttablaðinu þann 18. janúar. Greinin fjallar um samanburð á tekjuskattbyrði einstaklinga síðastliðin ár og hversu mikilvægt það er að þeir útreikningar og forsendur sem notast er við í skattaumræðunni séu réttir. Greinina má lesa hér.

Ávarp mennta- og menningarmálaráðherra á fundi 13. janúar 2012,  um símenntun og starfsþróun kennara með stjórn KÍ,
stjórnum og skólamálanefndum aðildarfélaga og fulltrúum KÍ í stjórnum endurmenntunarsjóða.

Ytra mat á leik- og grunnskólum er lögbundið verkefni mennta- og menningarmálaráðuneytis og sveitarfélaga. Vorið 2011 lagði faghópur um ytra mat fram tillögu um útfærslu á ytra mati á grunnskólum, sameiginlegu verkefni ráðuneytis og sveitarfélaga.

Niðurstöður úttektar á opinberum vefjum voru kynntar á fundi í dag undir yfirskriftinni: Hvað er spunnið í opinbera vefi 2011? Jafnframt var í fyrsta sinn veitt viðurkenning fyrir bestu vefina. Hlaut vefur Tryggingastofnunar viðurkenninguna besti ríkisvefurinn 2011 og vefur Akureyrarbæjar viðurkenninguna besti sveitarfélagavefurinn 2011.

Árið 1994 ákváðu norsk stjórnvöld að leggja til árlegt framlag til norsks-íslensks menningarsamstarfs sem Haraldur V Noregskonungur kynnti í heimsókn sinni til Íslands vegna 50-ára afmælis íslenska lýðveldisins. Framlaginu skyldi ráðstafað í samráði íslenska mennta- og menningarmálaráðuneytisins og norska menningarmálaráðuneytisins. Hið árlega framlag er nú um 1.300.000 norskar krónur.

Það er greinilega mikill áhugi hjá aðilum í ferðaþjónustunni fyrir Þróunarsjóðnum en markmið hans er að lengja ferðamannatímabilið á Íslandi, með því að styrkja þróun afurða og upplifana utan háannatíma ferðaþjónustu og auka þannig arðsemi fyrirtækja í geiranum.

Samkvæmt þingskapalögum skal ríkisstjórnin við upphaf þings í janúar afhenda forseta Alþingis endurskoðaða áætlun um framlagningu stjórnarfrumvarpa.

Hönnunarsamkeppni um Fangelsi á Hólmsheiði stendur nú yfir og er skilafrestur tillagna til 16. apríl næstkomandi. Tvö fyrirspurnartímabil fyrir þátttakendur eru í samkeppninni og lýkur því fyrra 30. janúar 2012 en því síðara 26. mars 2012. 

Forsætisráðherra, Jóhanna Sigurðardóttir, hefur fyrir hönd ríkisstjórnarinnar sent Samtökum atvinnulífsins svarbréf þar sem rangfærslur samtakana í bréfi frá 10. janúar sl. eru leiðréttar.

Forsætisráðherra, Jóhanna Sigurðardóttir, flutti Alþingi munnlega skýrslu sína um störf og stefnu ríkisstjórnarinnar þegar alþingismenn komu saman til fyrsta fundar eftir jólaleyfi í dag.

Mennta og menningarmálamálaráðuneyti auglýsir eftir umsóknum um styrki úr Æskulýðssjóði sem starfar samkvæmt lögum nr. 70/2007 og reglum nr. 60/2008.

Málþing um sveitarstjórnarmál verður haldið á Akureyri 10. febrúar á vegum nefndar innanríkisráðherra um eflingu sveitarstjórnarstigsins. Skýrt verður frá könnun meðal sveitarstjórnarmanna og alþingismanna um afstöðu þeirra til lýðræðismála, sameiningarmála og samvinnu sveitarfélaga og flutt verða erindi um  eflingu sveitarstjórnarstigsins.

Til umsagnar eru nú hjá innanríkisráðuneytinu drög að frumvarpi að nýjum lögum um vopn, sprengiefni og skotelda sem koma eiga í stað vopnalaga nr. 16/1998. Reynslan af gildandi lögum hefur ekki verið að öllu leyti góð en af þeim hefur hlotist nokkur óvissa og ágreiningur. 

Ögmundur Jónasson heimsótti í dag svæðisstjórn björgunarsveita höfuðborgarsvæðisins og kynnti sér stjórnstöðvarbíl sem útbúinn hefur verið. Hefur bíllinn komið að góðum notum við leitar- og björgunaraðgerðir á höfuðborgarsvæðinu og víðar.

Fornleifasjóður auglýsir eftir umsóknum um styrki úr sjóðnum skv. 24. gr. þjóðminjalaga nr. 107/2001.

Sjávarútvegs- og landbúnaðarráðherra hefur í dag gefið út reglugerð sem heimilar Matvælastofnun með ótvíræðum hætti að birta einstakar niðurstöður greininga vegna eftirlits með áburði sem er á markaði hérlendis.

Mennta- og menningarmálaráðuneytið auglýsir eftir umsóknum um styrki úr Sprotasjóði leik-, grunn- og framhaldsskóla. Hlutverk sjóðsins er að styðja við þróun og nýjungar í skólastarfi.

Fjármálaráðuneytið hefur um nokkurt skeið stefnt að endurskoðun laga um fjárreiður ríkisins sem sett voru árið 1997. Fjármálaráðherra sendi beiðni til AGS vorið 2011 um að sjóðurinn  gerði tæknilega úttekt á stöðu mála hér á landi og setti fram hugmyndir um úrbætur sem gætu nýst við vinnu á endurskoðun laganna sem fyrirhugað er að ljúki á þessu ári. Tillögur AGS birtast nú hér.

Gunnar Tryggvason verkfræðingur hefur verið ráðinn aðstoðarmaður Oddnýjar Harðardóttur fjármálaráðherra. 

Greiðsluuppgjör ríkissjóðs fyrir fyrstu ellefu mánuði ársins 2011 liggur nú fyrir.

Um miðjan október 2011 barst beiðni til fjármálaráðuneytisins þar sem óskað var eftir aðgangi að hluthafasamkomulögunum í tengslum við hlutafjáreign í Landsbankanum hf., Íslandsbanka hf. og Arion banka hf., milli íslenska ríkisins annars vegar og gömlu bankanna hins vegar. Stefna fjármálaráðuneytisins er að birta allar upplýsingar sem varða með einhverjum hætti ráðstöfun ríkisfjármuna þegar kostur er. Samningarnir eru því birtir hér.

Innanríkisráðuneytið, Lagadeild Háskóla Íslands og Rannsóknastofnun Ármanns Snævarr um fjölskyldumálefni efna í samvinnu við Evrópuráðið til ráðstefnu um meðferð kynferðisbrota í réttarvörslukerfinu þann 20. janúar. Málstofan fer fram í Skriðu, Menntavísindasviði Háskóla Íslands við Stakkahlíð í Reykjavík og stendur frá klukkan 10 til 18.

Umsagnarfrestur um umræðuskjal fyrir sveitarstjórnarmenn rennur út um helgina en nefnd um eflingu sveitarstjórnarstigsins hefur sent sveitarstjórnarfólki skjal um nokkur málefni sem nefndin hefur haft til athugunar. Unnt er að senda umsagnir til og með 15. janúar á netfangið postur@irr.is.

Umsagnarfrestur um drög að reglugerðum er varða undirskriftasafnanir hjá sveitarfélögum rennur út mánudaginn 16. janúar næstkomandi. Þeir sem vilja koma umsögn á framfæri geta sent þær á netfangið postur@irr.is.

Katrín Jakobsdóttir, mennta- og menningarmálaráðherra, hélt árlegan samráðsfund ráðuneytisins með ÍSÍ og sérsamböndum þess 9. janúar sl.

Umsóknarfrestur um embætti forstöðumannsins á Kvíabryggju sem auglýst var laust til umsóknar rann út 28. desember. Ellefu sóttu um stöðuna og eru þeir í stafrófsröð:

Þann 17. nóvember sl. óskaði fjármálaráðuneytið eftir því við IFS Greiningu að unninn yrði greinargerð í tengslum við fyrirhugaða framkvæmd Vaðlaheiðargangna.

Innanríkisráðuneytið auglýsti 15. desember síðastliðinn laus til umsóknar fjögur embætti dómara við Héraðsdóm Reykjavíkur, tvö þeirra tímabundnar setningar vegna leyfa dómara. Umsóknarfrestur rann út 4. janúar sl. Sjá lista yfir umsækjendur hér að neðan.

Auglýst hefur verið eftir styrkumsóknum frá NATA, samstarfssamningi Íslands, Færeyja og Grænlands á sviði ferðamála. Í boði eru tvenns konar styrkir; Annars vegar styrkir til ákveðinna verkefna í ferðaþjónustu og hins vegar ferðastyrkir, t.d. vegna skólahópa, íþróttahópa eða menningarverkefna.

Gengið hefur verið frá tímabundinni leigu á þyrlu fyrir Landhelgisgæsluna sem kemur í stað TF-LIF sem verður í skoðun frá miðjum janúar til 23. mars. Þyrlan verður afhent í lok mánaðarins og ráðgert er að hún verði tilbúin í verkefni um miðjan febrúar.

Embætti skrifstofustjóra á skrifstofu fjármála og rekstrar í innanríkisráðuneytinu hefur verið auglýst laust til umsóknar. Umsóknir skulu hafa borist eigi síðar en 26. janúar nk.

Alls nemur fjölgunin 17,9% frá síðasta ári og er stöðug fjölgun farþega undanfarin tvö ár talin vísbending um að nýtt vaxtarskeið sé hafið í farþegaflugi eftir samdrátt í kjölfar efnahagshrunsins árið 2008.

Til umsagnar eru nú hjá innanríkisráðuneytinu drög að reglugerð um breytingu á reglugerð um skírteini útgefin af Flugmálastjórn Íslands, nr. 400/2008. Þeir sem þess óska geta sent umsagnir sínar á netfangið postur@irr.is til 16. janúar 2012.

Fyrirkomulag ættleiðinga á Íslandi er með þeim hætti að samkvæmt lögum nr. 130/1999 veitir sýslumaður leyfi til ættleiðinga að ákveðnum skilyrðum uppfylltum. Innanríkisráðherra er heimilt að ákveða að leyfisveitingarnar séu á hendi eins sýslumannsembættis. Sýslumaðurinn í Búðardal hefur annast þær frá 2006 en frá 1. janúar eru þessi verkefni hjá sýslumannsembættinu í Reykjavík og kveðið á um flutninginn með nýrri reglugerð.

Nýskipaður fjármálaráðherra, Oddný G. Harðardóttir, hefur tekið til starfa. Oddný er fyrst kvenna til að gegna stöðu fjármálaráðherra Íslands.

Á árinu 2011 voru kveðnir upp sautján dómar sem varða starfsmannamál hjá ríkinu og stofnunum þess, fimm hæstaréttardómar, sex héraðsdómar og sex félagsdómar.

Markmið þróunarsjóðsins er að styrkja þróun afurða og upplifana utan háannatíma ferðaþjónustu og auka arðsemi fyrirtækja. Samtals verða veittir styrkir úr sjóðnum að upphæð 35 milljónir kr.

Umsamin lánafyrirgreiðsla Norðurlandanna og Póllands til Íslands  í tengslum við efnahagsáætlun stjórnvalda, sem studd var af Alþjóðagjaldeyrissjóðnum (AGS), nemur í heild €1.930 m.

Skýrsla starfshóps iðnaðarráðherra um lagaramma orkumála var kynnt í ríkisstjórn 17. janúar. Í skýrslunni er greining á þeim álitaefnum sem tengjast fyrirkomulagi á orkumarkaði og eignarhaldi orkuvinnslu.

Landsbankinn og Íslandsstofa standa fyrir málþingi um fjárfestingar í ferðaþjónustu 25. janúar n.k.

Forsætisráðherra, Jóhanna Sigurðardóttir, kom víða við í áramótaávarpi sínu. Hún fjallaði meðal annars um áframhaldandi lífskjarasókn og miklilvægi jöfnuðar, stöðu Íslands í samfélagi þjóðanna og mótun framtíðarsýnar fyrir Ísland.

Á fundi ríkisráðs á Bessastöðum í dag var, að tillögu Jóhönnu Sigurðardóttur forsætisráðherra, fallist á að gera breytingar á skipan ríkisstjórnar Íslands.

Í tilefni áramótanna ritaði forsætisráðherra, Jóhanna Sigurðardóttir, greinar í Fréttablaðið og Morgunblaðið. Í þeim fer hún yfir stöðu mála á þessum tímamótum og þann árangur sem náðst hefur á Íslandi á árinu sem er að líða.

Jón Bjarnason sjávarútvegs- og landbúnaðarráðherra hefur ásamt Bændasamtökum Íslands og Landsambandi kúabænda undirritað viljayfirlýsingu um stuðning við nýliðun í mjólkurframleiðslu.

Ríkisráð Íslands hefur verið kvatt saman á Bessastöðum laugardaginn 31. desember 2011, gamlársdag, kl. 09.30.